DYA: Ma do cewab bidê mudaxaleyê Rûsya

Wezîrê Karanê Teberî yê DYA Pompeoyî derheqê seba weçînayîşê 2020 îhtîmalê mudaxaleyê Rûsya de serekîya Amerîka hîşyar kerde.

Wezîrê Karanê Teberî yê Amerîka Mika Pompeoyî îfade kerd ke eke Rûsya mudaxeleyê weçînayîşê serekîye yê 2020î  ganî cewabê ci bêro dayene.

Pompeoyî kombîyayîşê çapemenîye de hempayê xo yê rûsî Sergey Lavrov reyde qisey kerd û vat: "Babeta mudaxaleyê karan ê ma yê zereyî de ez bi hawayêkê eşkera têgêraya no nêno qebulkerdene."

Pompeoyî Rûsya ra "pawitişê'' xo ard ziwan û vat: "Rûsya yan zî hêzêko xerîb eke seba çinkerdişê prosesê ma yê demokratîkî tedbîran bigêro ma do cewabê ci bidê."

Wezîrê Karanê Teberî yê Rûsya Sergey Lavrovî zî pare kerd ke înan nika ra verî vat ke îdîayanê ke vanê 'înan mudaxaleyê karanê zereyî yê DYA' kerd zûr ê. Lavrovî vat: "Kesêkî na îdîa îspat nêkerde, çunke raşt nîya ke îspatê ci bibo."