Erdlerz de hûmara mergan bîye 35

Hûmara kesanê ke erdlerzê Xarpêtî de wefat kerd bîye 35. HDPyî seba mexduranê erdlerzî kampanyaya hetkarîye daye destpêkerdene.

Erdlerzê bi şîdetê 6,8 yo ke merkezê ci qezaya Sîvrîce ya Xarpêtî yo ra dima xebatê cigêrayîşî dewam kenê. Taxanê Mustafapaşa û Sursuru de ke tesîrê erdlerzî tede zaf bi cigêrayîşanê AFADî û UMKE de meyîtê 4 kesan ameyî vetene. Hûmara merganê erdlerzî bîye 35.

Rêxistina Amedî ya HDPyî seba mexduranê erdlerzî kampanyaya hetkarîye daye destpêkerdene.

Rêxistine eşkerayîyêke daye û seba hewcedarîyanê sey xeyme, batanîye, werd, bincilê domanan, ped û kincan vengdayîş kerd.

Eşkerayîye de ame îfadekerdene ke hetkarîyî do Şaredarîya Erxanî de bêrê pêserkerdene û bêrê erşawitene mexduran. Ame vatene ke her kes eşkeno bi rayîrê rêxistinanê HDPyî yê qeza û şaristanan hetkarîye biresno mexduran.