FEDA’yî kesê ke Qoçgirî de ameyî qetilkerdene yad kerdî

FEDA’yî kesê ke Qoçgirî de ameyî qetilkerdene yad kerdî û vat, “Qerkerdişê Qoçgirî, qirkerdişêko tewr gird o ke Kurdanê Elewîyan tarîxê komare de dîyo.

Federasyonê Elewîyan ê Demokratîkî ( FEDA) bi wesîleya sergêrra Qeirkerdişê Qoçgirî ewro eşkerayîyêka nuştekîye daye.

Eşkerayîye de bale ameye antene serê rastîya Qirkerdişê Qoçgirî û ame vatene ke, cehd kenê rastîya Qirkerdişê Qoçgirî bivurnê. Çi heyf ke ma vînenê ke, cehd kenê ke ’Têgêrayîşê Şarê Qoçgirî’ sey herişêko ke ciwîyayîşê eşîrîyan ê verênan paweno û vera cuyêka moderne de vindeno, bimojnê”

QIRKERDIŞO TEWR VERÊN Ê WEXTÊ KOMARE

Eşkerayîye de ame vatene ke, vera nê çîyan famkerdişê Qoçgirî,  seba famkerdişê Qirkerdişê Dêrsimî û polîtîkayanê asîmîlasyonî û qirkerdişê ke bado vera cimatê Elewîyan ameyî kerdene de gamêka tewr muhîm a û wina dewam kerd: “Qirkerdişê 40 hezar Elewîyan o ke hetê Yavuz Selîmî ra ameyo kerdene çimeyanê tarîxê de ca gêno. Dimayê binkewtişê Şerê Çaldiranî vera Elewîyan dest polîtkayanê neweyan kerd û roje bi roje surginî, koçkerdişî û destsernayîşê mal û milkê keyeyan ê ke giranîya xo mîyanê cimat de esta kerd.”

Qerkerdişê Qoçgirî, qirkerdişêko tewr gird o ke Kurdanê Elewîyan tarîxê komare de dîyo. Çi heyf ke çîyo ke tarîxo fermî nêwazeno bivîno û wazeno ke ney, sey serewedartişê çend rayberanê eşîran ê îlkelan bimojno. Şexsê Zerîfe Ana, Alîşer û hemrayanê înan yê ke vera zulmî de sereyê dayo la îqrarê xo ra nêagêrayê de, netîceyê hovîtî ya ke 6’ê Adare de dest pê kerdo û heta menga Hezîrane dewam kerdo de, ma kesê ke Qoçgirî de ameyî  qirkerdene yad kenê.”