Freîburg de Menga Xizirî bi aktîvîteyan dest pêkerde

Bajarê Almanya Freîburg de Elewîyî kenê ke rîtuelanê Menga Xizirî bîyarê ca. Kesan kostumê Kal Gaxanî dayî xo ra û keye bi keye gêrayî. Wayîranê keyeyan zî sey loqme ardî, pîyazî dayî.

Menga Xizirî hem hetê kulturî, hem zî hetê îtîqati ra mengêka bimbareke ya. Roceyê Xizirî tayê herêman de peynîya menga Çele de, tayê herêman de 9, 10 û 11’ê Sibate de, tayê herêman de zî 13, 14, 15’ê Sibate de, rojanê Sêşeme, Çarşeme û Pancşemeyî de 3 rojî yeno girewtene.     

Aktîvîteyê Xizirî newe ra bîyayîşî tarîf kenê û reyna yenê manaya serrgêrîye zî. Hetê bînî ra eleqeya xo bi mewsîmî zî esta.

Menga Xizirî kulturê Elewîyan de cayêkê muhîmî gêna û Elelwîyê Ewropa nê serranê peyênan de wazenê ke ney rîtuelî newe ra ganî bikerê û seba naye zî aktîvîteyan organîze kenê. Na menge de paştdarîye, pare kerdene û pawitene esas yena girewtene.

Bajarê Freîburgî de rîtuelê Menga Xizirî bi hewayê verî yenê kerdene û cem yeno girêdayene.