Karasu: Tirkîye ne eşkena ma vejo, ne zî zorê ma bero!

Endamê Konseya Rayberdişî ya KCKyî Mustafa Karasuyî rojnameyê Swêdî Le Tempsî rê qisey kerd. Karasuyî vat ke Tirkîye operasyon virazo zî, ê nêeşkenê hemverê ma de ser bikewî.

Endamê Konseya Rayberdişî ya KCKyî Mustafa Karasuyî qerarê Amerîka yê vera hîrê serkêşanê PKKyî û tehdîtê neweyî yê îşxalî yê dewleta tirkî rojnameyê Swêdî Le Tempsî rê ercnayî.

Karasuyî vat ke Tirkîye hêrişê ma bikero zî nêeşkena bi ma. 30 serrî yo înan vera ma serkewtiş dest nêvist ewro ra tepîya zî do ser mekewî.

Karasuyî derheqê qerarê Amerîka de zî wîna va: ‘‘Mesajê Washîngtonî dihetin o. Hetêk ra semedê vengê Tirkîye birnayîşî temînat dana ci hetî bînî ra semedê operasyonê eskerî paştî dana ci. Amerîka babetê hedefî de xeletî kena. Tirkîye îstîqrarê herêmî tehdît kena. Çarçiweya mucadeleyê vera DAÎŞî de ma bi Amerîka pîya têgêrênî. Eke ma çînêbîyênî Hewlêr kewtêne binê kontrolê DAÎŞî. Bê şerwananê ma dinya cîhatkaran ra do mexelisyo.‘‘

Karasuyî sucdarîyê Amerîka yê vera PKKyî vist vîrî û va: ‘‘ Eke terorîzm bi kiştişê sivîlan, domanan û cinîyan yeno naskerdene, no gureyê dewleta tirkî yo. Eke Tirkîye hetê mehkemayêka bêhete ra bêro muhakemekerdene, ma zî vejîyayîşê verê edaletî rê hadre yî. Wexto ke ma hemverê cîhatkaran de şer kerdêne, Tirkîye înan rê hetkarî kerdêne. Terorîst ma yê? Ez na çeku qebul nêkena.

Karasuyî qiseykerdişê xo wina qedîna: ‘‘Ma semedê demokratîkkerdişê Rojakewtena mîyanêne, heqanê cinîyan û şaranê bindestan hemverê neteweperwerîye de mucadele kenî coka Enqere hedefanê ma ra terseno û hêriş keno.‘‘