KNK: Rojbîyayîşê Îsa Mesîhî Roşanê Noelî fîraz bo

KNKyî rojbîyayîşê Îsa Mesîhî Roşanê Noelî fîraz kerd.

Konseya Rayberdişî ya KNKyî bi wesîleya Roşanê Noelî mesajêk erşawit.

Mesajê KNKyî wina yo:

"Rojbîyayîşê Îsa Mesîhî dinyaya Mesîhîye de rojêka fîraz a. Bi nê armancî 25ê kanûne sey roja bîyayîşê Îsa Mesîhî yena fîrazkerdene. Rojê fîrazî yê dînî pêro dînan de ercaye û meqbûl ê. Her dîn, nê rojanê xo yê girîngan bi coş û şayî û seremonîyanê pîlan fîraz kenê.

Kurdîstan de nufusêko qerebalix ê bawermendanê Îsa Mesîhî esto û hemwelatijê biqedr û ercaye yê. Mîyanê KNKyî de zî hemwelatijê îsawîyî yenê temsîlkerdene.

Roşanê Noelî nêzdîyê 2000 serran ra nata Kurdîstan de yeno fîrazkerdene.

Bi weîleya na roje ma sey KNK sere de Noelê Mesîhîyanê Kurdîstanî û ê pêro mesîhîyanê dinya bi rêz û heskerdişî fîraz kenê. Ma hêvî kenê ke na roja fîraz biba semedê haştîye, aramîye, xêrîye û weşîya merdimîye."