Kovara muzîkê kurdî Ziryab vejîyaye

Kovara Muzîkê Kurdî ya bi nameyê Ziryabî dest bi weşanî kerde.

Kovara verêne ya Muzîkê Kurdî bi nameyê Ziryabî dest bi weşanî kerde.

Heyetê weşanî yê kovare de Grûba Sîya Şevê ra Gokçe Selîm û Serhat Temel û Harûn Elkî û Ozan Irmak ca genî û edîtorîyê ci zî Mevlut Oguz û Serhat Temel kenî.

Heyetê weşanî  derheqê amacê vetişê kovare de wina wano: ‘‘Ma wazenê ke semedê hunermend û muzîkê kurdî ca abikero ke ê tede meseleyanê xo bîyarî ziwan û semedê hunermend û goşdaran cayêko newe yê xo îfadekerdişî bibo.‘‘

Hûmara verêne ya Ziryabî de nê ca genî:

Harûn Elkîyî serranê 90ine ra heta roje ma muzîkê kurdî girewto dest. Îbrahîm Sarisuyî derheqê ozananê verênan yê tarîxî ra  Orfeusî de nuşt. Serhat Temelîyî Orkestraya Hesenkeyfî ser o nuşte. Serdar Ozturkî zî portreyê Dengbêj Resoyî nuşt.

Reyna bi Kerem Gendenzerî û Nîzamettîn Arinçî ya pîya Ayfer Duzdaşe, Mem Ararat, Adnan Kartal, Cem Şîvan Ergul , Sîya Şevê û Rewşan Çelîkerî terraqeyî zî hûmara verêne de ca gênî.

Kovare de kiştê nuşte û terraqeyanê muzîkî de nasdayîşê album û kibatan û derheqê muzîkî de xeberî zî estî.

Hûmara verêne yê kovare de posterê Kerem Gerdenzerî û albumê Li Pey Siya Xwe yê Sîya Şevê zî sey xelatî yenî dayene.