Leyla Xalide ra Leyla Guvene rê nameye

Endama Cepheyê Xelasî ya Şarî ya Filîstînî Leyla Xalide, Leyla Guvene ya ke seba tecrîdo ke Rayberê Şarê Kurdî Abdullah Ocalanî ser o yeno domnayene protesto bikero 70 rojî yo grevê vêşanîye de ya rê yew nameye erşawite.

Endama Cepheyê Xelasî ya Şarî ya Filîstînî Leyla Xalide,  hemsereka KCDyî û parlamentera HDPyî Leyla Guvena ke seba wedartişê tecîrîdê serê Ocalanî 70 rojî yo grevê vêşanîye yê bedêm-bêagêrayîşî de ya rê nameyêk erşawite.

Nameya Leyla Xalide wina  ya:

''Leyla Xalide ya Filîstinîye ra Leyla Guvene ya Kurde rê

Hevala min a hêcaye Leyla Guvene. Ey Leylaya ke zîndananê zaliman de ya, to rê hezar selamî.

Zîndan nêbî  astengîye ke vengê to yo ke bale anceno tecrîdo ke Şorişgêr Abdullah Ocalanî ser o yo, taleb û azadîya girewteyanê sîyasîyan ser o yo bireso ma.

Tirkîya û Îsraîl de, şorişgêrê ke zîndanan de yê, bi grevê vêşanîye wazenê ke vera sîstemê serdestan o ke wazeno edalet, demokrasî û azadî qetil bikero de bivindê.

Ez bi nameyê xo û bi nameyê pêroyê cinîyan ê Filîstînîyan vana, pêroyê hêrişan ver, ez vengê to rê bena veng.

Hevala min a hêcaye Leyla,

Ez vana zulmê zîndanan do dewam nêkero. Vera vêşanîye, sebir û mucadeleyê to do qezenc bikero.

Grevê vêşanîye her çiqas ke zor bo zî xoverdayîşêko hêca yo. Şarê to û pêroyê azadîwaştoxê dinyaye cewab danê çalakîya to. Ez çareyê to ra maçî kena û destanê to pê gêna. Ti seba pêroyê cinîyan ê dinyaye nimune ya. Bi hêvîya azadîye….

Hevala to ya mucadeleyî Leyla Xalide.''