Meclîsê Weşîye û Asayîşê Karî (ÎSÎG), raporê merdişê karkeran ê menga Adare ya Tirkîya eşkera kerde. Goreyê raporî menga Adare de tewr kêmî 108 karkeran cuya xo vîndî kerde.

Rapor de bale ame antene serê rewşa karkeran ê ke fabrîkaya Kale Kayişlari ya qezaya Silîvrî ya Stenbolî de kewtê grev û  ame vatene ke menga Adare de 108 karkeran rîyê îxmalan ra cuya xo vîndî kerda û mabênê nînan de 5 domanî, 4 cinîyî û 11 bextwaştoxî zî estê

Bîlançoya 3 mengan: 392 karkerî merdî

Rapor de ame vatene ke 3 menganê verînan ê 2019’î de tew kêmî 392 karkeran cuya xo vîndî kerde. Goreyê raporê ÎSÎG’î, menga Adare de tewr zêde merdişê kerkeran Kayserî, Enqere, Kocaelî, Stenbol, Îzmîr, Edene, Antalya, Denîzlî, Dîlok û Zonguldak de bîyê û nê kesan ra teyna kesêk sendîkanij bi.