Muracatê keyeyan û avûkatan ame redkerdene

Muracatê pêvînayîşî yê keyeyê Rayberê Şarê Kurdî Abdullah Ocalanî û hîrê keyeyanê tepişteyanê bînan ê ke Îmrali de yê ke Serdozgerîya Komare ya Bûrsa rê amebi kerdene ame redkerdene. Hetê bînî ra muracatê avûkatan ê 808'ine zî ame redkerdene.

Birayê Rayberê Şarê Kurdî Abdullah Ocalanî Mehmet Ocalan û warisê ci Mazlûm Dînçî seba ke bieşkê şirê Îmrali bi rayîrê avûkatan muracatê Serdozgerîya Komare ya Bûrsa kerd, la waştiş ame redkerdene. Muracato ke hetê birayê Hamîlî Yildirimî Polat Yildirim, birayê Omer Hayrî Konar Alî Konarî û waya Veysel Aktaşî Sabîha Aslane ra amebi kerdene zî nêame qebûlkerdene.

Sebebê redkerdişê muracatan ê hetê dozgerîye zî madeyê “sînorkerdişê derheqê tewqîfkerdeyan de” yê “Qanûnê bi Hûmara 5275î yê Derheqê Înfazê Tedbîranê Ceza û Asayîşî” ame ramotene.

Hetê bînî ra muracatê pêvînayîşî yê 808’ine yê avûkatanê Rayberê Şarê Kurdî Abdullah Ocalanî Rezan Sarica, Cengîz Yureklî, Newroz Ûysale û Faîk Ozgur Erolî zî ame redkerdene.