Operasyonê qirkerdişî: 3 hemşaredarê HDPyî ameyî destbendkerdene

Çarçewa operasyonê qirkerdişê sîyasîyî de Hemşaredara Stewrî Gulîstane Oncu, Hemşaredara  Şemrexî Nalane Ozaydin û Hemşaredara Dêrikî Mulkîye Esmez ameyî destbendkerdene.

Qezayanê Stewrî, Şemrexî û Dêrikî yê Merdînî de operasyonê qirkerdişê sîyasîyî ame kerdene. Sereştişî de hîrê hemşaredarê Partîya Şaran a Demokratîke (HDP) ameyî destbendkerdene.

Hemşaredara Stewrî Gulîstane Oncu, Hemşaredara  Şemrexî Nalane Ozaydin û Hemşaredara Dêrikî Mulkîye Esmez  sereştişê keyeyanê înan de ameyî destbendkerdene. Hemşaredarî ameyî berdene bi Mudirîya Asayîşî ya Mêrdinî û  banê şaredarîyan gerîyayî binê ablûqa.

Reyna xebatkarê Şaredarîya Dêrikî Muslîme Ozbahçecî, Hedîye Guneş, Bûrhan Temel û Feyzûllah Erol ameyî destbendkerdene.