Qetlîamê qoricîyan ê Farqînî bi paştdayîşê dewlete ame viraştene

Detayê qetlîamo ke qoricîyan Farqîn de kerd, 6 kesî merdî û 9 kesî birîndar bîyî vejîyayî werte. Qoricîyî çar nuqtayanê kontrolî ra bi sîlehan ravêrtî û leşkeran qetlîam temaşe kerd.

Detayê qetlîmo ke qoricîyan qezaya Farqînî ya Amedî  kerd, 6 kesî merdî û 9 kesî birîndar bîyî vejîyayî werte. Goreyê şahîdan qetlîmî eşkera va ez yena.

Mehleya Reşîka ya Qezaya Farqînî ya Amedî de 21’ê yo Tebaxe de qoricîyan eşt keyeyêk ser 6 kesî qetil kerdî û 9 kesî zî birîndar kerdî. Goreyê zanayişan Enver Tekînî seba ke kênaya ci Gulşen Poyraze  ya ke veyva keyeyo qoricî yê Poyrazî ya, yena tehdîtkerdene, kênaya xo arde keyeyê xo. Naye ser ra keyeyo qoricî yê Poyrazî  Tekînî tehdît kerd û waşt ke o bi xo kênaya xo bikişo. Dimayê nê tehdîtan Enver Tekînî 20’ê Tebaxe de Qereqolê Bagdere de gerreyê keyeyê Poyrazî kerd. Rixmê qerreyî eynî şewe de qoricîyan eş keyeyê Tekînî ser û 6 kesî qetil kerdî. 10 qoricîyan bi 3 wesayîtan verê çimanê leşkeran de qetlîam viraşt. Keyayê mehleya Tevekî qereqolî rê telefon kerd  û hetkarî waşte la fermandaranê qereqolî vat ê rîyê asayîşî ra nêeşkene bêrê.

Goreyê şahîdan sereştiş bi saetan kerd derg û guleyî varayene. Şahîdanê ke qewimîyayîş sey qetlîam name kerd vat: ‘’Leşkeran 300 metra ra hêrişê qoricîyan dîyêne la rixmê naye mudaxele nêkerd. Leşkerî bi saetan cuwa pê ameyî û gama ke ma  bi îmkananê xo birîndarî kiriştêne leşkeran destûrê ma nêda û birîndarî vînîkerdişê gonî ra merdî. Ma heta ke yenê dewa xo ma 4 nuqtayanê kontrolî ra ravêrenê. Qoricî nê nuqtayan ra bi sîlehan ravêrtî. Destûr nêdîyake ambûlansî bêrê mehle, ma yê ke birindarî bi wesayîtanê xo kiriştêne nêweşxaneya  leşkeran wesayîtê vindarnayî cigêrayîşê hîrayî kerdî. Munevver Narîne  vînîkerdişê gonî ra cuya xo vînî kerde. Reyna birîndaranê bînan zî zaf gonî vînî kerde.''

Netîceyê hêrişê qoricîyan de keyeyê Narînî yo ke semedê werêardişê keyeyê Poyraz û Tekînî cayê qewîmîyayîşî de bi ra Munevver, Halîse, Azîz û Gokhan Narîn û Edîp Ograşî cuya xo vînî kerdbi. Pêkewtişan de qoricî Suleyman Eleftozî zî cuya xo vînî kerde. Reyna Munevver Bagli, Haci Cevat Narîn, Felat Narîn, Mevlut Narîn, Ferhat Tekîn, Ferhat Narîn, Cevat Narîn, Dukhan Narîn û  Mehmet Narîn ê ke birîndar bîyî tedawîya înan dewam kena.