Îstanbul: Ma hiş nêkenê, nêtersene, îtaat nêkenê!

Meclîsê Cinîyan ê HDPyî waşt ke Bakirkoyê Îstanbulî de çalakîye bikero la polîsan destûr nêda. Cinîyan vat ê do 8ê Adere de kuçeyan pê cinîyan bikerê pirr.

Meclîsê Cinîyan ê HDPyî  çarçewa Kampanyaya Semedê cinîyan edalatî de Bakirkoyê Îstanbulî de çalakîyêke organîze kerde. Çalakîya hetê polîsan ra ameyî astengkerdene.

Polîsanê Wekîla HDPyîya Îstanbulî Zuleyha Gulum û Hemsereka HDPyî ya Îstanbulî Elîfe Bulut zî tede cinîyî girewtî binê ablûqa. Cinîyan vera polîsan nêrazîbîyayîş mojna ra û vat: ''Pandemî semedê kongreyanê AKPyî çîn a la semedê cinîyan esta. Ma do 8ê Adere de kuçeyan pê cinîyan bikerê pirr.''

Bi nameyê cinîyan Zuleyha Gulum eşkerayîye daye. Gulume vat: ''Ma ewro sey Meclîsê Cinîyan ê HDPyî startê 8ê Adare da.  Her roje cinîyî yenê qetilkerdene û heqê înan yenê binpaykerdene. Îqtîdar bi  polîs û hukmî verjîyeno verê cinîyan. Çalakîya ma  bi keyfî ameye astengkerdene. Mucadeleyê ma çenD beno pîl hêrişê îqtîdarî zî zafêr benê. Cinîyê sîyasetmedarî yenê destbenkderdene û tepiştene. Leyla Guvene, Sebahat Tuncel, Fîgene Yuksekdag û xeylêk sîyasetmadarê bînî nika zîndan de yê. Şima embazanê ma yê cinîyan bitepişî zî şima do nêeşkê verê mucadeleyê ma bigerê. Teber û zere ferq nêkenê ma do tim serewedaritişê xo yê cinîyan pîlêr bikerê. Ma do çirey xeta xo ya azadîye cinîye canêverdê.''

Çalakîya ke polîsan waşt ke hêrişê ci bikero bi slogana ''Ma hiş nêkenê, nêtersene, îtaat nêkenê'' qedîyaye.