Şerwanê erebî akademîya QSDyî de yê

Şerwanê erebî akademîya QSDyî de perwerdeyê çekan, tarîxê şaranê kurdan û ereban û kulturê ereban vînenê.

Temamîya şerwanê ke Akademîya Şehîd Çekjînî ya Eyn Îsayî de perwerde vînenê ciwanê erebî yê zerrîwaz ê. Ciwanê erebî yê ke Reqa, Tebqa û Eyn Îsayî ra ameyî, seba ke vera hêzanê îşxalkeran şer bikerê, seba ke erd û şarê xo vera îşxalê tirkan ra bipawê xo perwerde kenê.

Ciwananê akademîye ra Sîwar Tebqa îfade kerd ke ê wazenê erdê xo hêzanê îşxalkeran ra bipawê û yewîya şaran bîyarê ca. 

Hanî Mehmûd Elhoşîyî zî ard ziwan ke perwerdeyî ê seba pawitişî kerdî xurtêr.

Baran Reqayî zî wina qisey kerd: ''Ez sey şerwanêkê QSDyî ça de heqê bira û wayanê ma bêrê binpaykerdene do uca de biba. Ma pîya do îşxalê tirkan vindarnê.''