Apê Musa cayê cînayetî de ame yadkerdene

Roşnvîr û nuştoxo kurd Musa Anter (Apê Musa) taxa Seyrantepe ya Amedî de cayo ke hetê hêzanê dewlete ra tede amebi qetilkerdene, ame yadkerdene.

Apê Musa  28 serrî verê cû 20ê êlula 1992î de hetê JÎTEMî ra taxa Seyrantepe ya Amedî de amebî qetilkerdene.

Anter cayê cînayetî de ame yadkerdene. Wekîla HDPyî Merale Daniş Beştaş, wekîlê HDPyî, Hemserekê Komeleya Rojnamegeran a Dîcle Firatî Serdar Altan, Vervatoxa Platformê Rojnamegeran ê Cinîyan ê Mezopotamya Ayşe Gunay û lajê Musa Anterî Dîcle Anter zî tede xeylêk kesî tewrê merasimê yadkerdişî de bîyî.

Serdar Altanî merasîm de qisey kerd û îfade kerd ke şagirtê Apê Musayî ey do têna nêverdê.

Ayşe Gunay zî ard ziwan ke Apê Musa têna seba çapemenîya azade û çapemenîya kurdan nê seba têkoşînê şarî zî bîyo nîşaneyê çêrî.

Lajê Musa Anterî Dîcle Anterî zî pare kerd ke qelema babîyê ci do qet erd de nêmana.

Merale Daniş Beştaş vat ke rixmo ke JÎTEMî serebût îtîraf kerd 28 serrî yo ke kerdoxî nêdîyayî. Merale Daniş Beştaş vat: ''Embazê ma Musa Anter rojnamegerê ke rêçê ey ser o yê rayîrê ma roşnî kenê.''

Merasîmî ra dima beşdaran qeranfîlî ronayî cayê serebûtî.