Dêrsim: Heta vînayîşê Gulîstane Doku ma kuçeyan de yê

Dêrsim de semedê vînayîşê Gulîstane Doku ya ke 5ê çeleyî ra nata vînîbîyaye ya eşkerayîyêke ameye dayene.

Semedê wendekara Unîversîteya Munzurî Gulîstane Doku ya ke 5ê çeleyî ra vînîbîyaye ya xebate cigêrayîşî dewam kenê. Seba ke wa Gulîstane Doku bêro vînayene hetê keyeyê Doku, aktîvîstanê Weqfê Heqanê Merdiman ê Tirkîya û Komeleya Verî Cinî û Domanî ra eşkerayîyêke ameye dayene. Serekê Baroyê Dêrsimî Kenan Çetîn û serekê Şaredarîye Fatîh Maçoglu zî tewrê eşkerayîye bîyî.

Aktîvîsta heqanê merdiman û pîspora tipê edlîyî Şebnem Korur Fîncanci ya ke eşkerayîye de qisey kerd bale ante heme dezgehî semedê vînayîşê Gulîstane xîret kenê û vat ma zî waşt ke paştî bidê na xebate û ameyî tîya. Ma do bibê teqîpkarê prosesî. Cigêrayîşê Doku senî he bi qerardarîye heta ewro ame do ewro ra tepîya zî heta vînayîşê aye dewam bikero.

Waya Doku Aygul Doku zî waşt ke cigêrayîşî wa her war de bêrê kerdene û vat heta ke ma aqibetê Gulîstane bimûsê ma tîya de yê.