27ê teşrîna verêne de tepişteyanê dewaya PKK û PAJKî vera tecrîdkerdişê Rayberê Şarê Kurdî Abdullah Ocalanî û binpaykerdişê heqanê xo grevê vêşanîye dabi destpêkerdene. Grevê vêşanîye roja 145. de pê koma 29. dewam keno.

 Kampa Multecîyan a Şehîd Rûstem Cûdîyî (Mexmûr) de  zî rayberîya cinîyan de vera tecrîdê Îmraliyî 18ê kanûne de grevê vêşanîye dîyabi destpêkerdene. Çalakîya ke Dezgehê Keyeyanê Şehîdan de yena kerdene roja 124. de dewam kena.

Kampa Lavrioyî ya Yunanîstanî de zî vera tecrîdê Îmraliyî û seba paştdayîşê tepişteyan rayberîya TCŞ, TJK-E û Merkezê Kulturê Kurdîstanî de grevê vêşanîye dîyabi destpêkerdene. Grevê vêşanîye roja 107. de dewam keno. 

 Serra 2018î de rayberîya Leyla Guven de reyna vera tecrîdî grevê vêşanîye dîyabi destpêkerdene û grevî 200 rojî dewam kerdbi. Netîceya çalakîya grevî de 8 serran ra dima Rayberê Şarê Kurdî reyde avûkatî pêvînayîşî kerdî.