HPGyî 4 şehîdê Xakurkê yad kerdî

HPGyî nasnameyê 4 gerîlayanê ke Xakurkê de şehîd bîyî eşkera kerdî û vat: ''Ma soz danê ke meşalaya azadîye ya embazanê xo yê çêran pê mesuldarîyêka xurte berz bikerê.''

Merkezê Îrtîbatî û Çapemenîye yê HPGyî derheqê şehîdanê Xakurkê de eşkerayîyêke daye. Eşkerayîye wina ya:

''15ê teşrîna verêne ya 2020î de hêrişê hewayî yê artêşa tirke ya îşxalkere de Giranê Şehîde Bêrîtane û Şehîd Ahmetî yê herêma Xakurkê de embazê ma Azad, Bedran, Demhat û Mervan şehîd bîyî. Nasnameyê embazanê ma yê şehîdan wina yê:

Mervan Reşo - Enver Çiftçi

Nameyê Qodî. Mervan Reşo

Name û Peyname: Enver Çîftçî

Cayê Bîyayîşî: Colemêrg

Maye-Pî: Nesrîne-Sevdîn

Tarîx û Cayê Şehadetî: 15ê Teşrîna Verêne ya 2020î /Xakurkê

Demhat Bakur - Xalid Abdulselam Haci Ali

Nameyê Qodî: Demhat Bakur

Name û Peyname: Xalid Abdulselam Hacî Alî

Cayê Bîyayîşî: Hesekê

Maye-Pî: Hatîce-Abdulselam

Tarîx û Cayê Şehadetî: 15ê Teşrîna Verêne ya 2020î /Xakurkê

Bedran Hawêl - Vedat Erdoğan

Nameyê Qodî: Bedran Hawêl

Name û Peyname: Vedat Erdogan

Cayê Bîyayîşî: Sêrt

Maye-Pî: Munevvere-Sîracettîn

Dem û cihê şehadetê: 15'ê Cotmeha 2020 / Xakurkê

Azad Semedar - Murteza Korkmaz

Nameyê Qodî: Azad Semedar

Name û Peyname: Mûrteza Korkmaz

Cayê Bîyayîşî: Colemêrg

Maye-Pî: Ayşe-Reşît

Tarîx û Cayê Şehadetî: 15ê Teşrîna Verêne ya 2020î /Xakurkê

Embazê ma Azad Botan de dadîya xo ra bi û wextê zanîngehî de bire daye û Koyanê Zagrosî de tewrê gerîlayan bi. Embaz Azad qet koyanê Zagrosan ra cîya nêbi û wextêkî ra dima tede bi fermandarêko marîfetin. Embaz Azad xeylêk waranê Herêmanê Pawitişî yê Medya de şer kerd û pê perwerîya Rayber Apoyî û şehîdan bêteredut têkoşînê azadîye de ca girewt.

Embazê ma Bedran Sêrt de dadîya xo ra bi. Embaz Bedranî dima ke koçê metropolan kerd xeylêk waran de xebatî kerdî û peynî de vera hîşmendîya qirkere ya dewleta tirke tewrê gerîlayan bi. O her tim bi hawayêkê aktîfî herêma Xakurkê de tewrê çalakîyan bi û bi nê hawayî bi milîtanêko mîsal ê Apogîrîye.

Embazê ma Demhat Hesekê de dadîya xo ra bi û Şorişê Rojawanî ra dima tewrê gerîlayan bi. O wextêkê kilmî de cuya koyan û gerîlatîye musa û bi gerîlayêko profesyonel. Embaz Demhat pê waştişê musayîşê felsefeya Rayberîye û caardişê na felsefe tewrê têkoşînî bi. Bi nê hawayî o bi milîtanêko rayber û Xakûrkê de bi sembolêkê xoverdayîşî.

Embazê ma Mervan Colemêrg de dadîya xo ra bi. Embaz Mervanî dima ke xebatanê ciwanan de ca girewt tewrê têkoşînê gerîlayan bi. Embaz Mervanî seba ke bibo gerîlayêko profesyonel zaf xîret kerd, netîceyê nê xîretî girewtî û bi milîtanêko rayber. Embaz Mervan bi nê hawayî tewrê karwanê şehîdan ê bêmergan bi.

Sere de keyeyanê ercîyayeyan ê embazanê ma Azad, Bedran, Demhat û Mervanî rê ma pêro şarê welatperwerî yê Kurdîstanî rê serweşîye wazenê. Ma soz danê ke meşalaya azadîye ya embazanê xo yê çêran pê mesuldarîyêka xurte berz bikerê.''