Çarçewa tehqîqatê Serdozgerîya Komare ya Amedî de derheqê 33 kesan de bira destbendkerdişî amebî dayene. Endamê Têgêrayîşê Cinîyan ê Azadan (TJA), endamê sendîka û komeleyan zî tede heta nika 22 cinîyî ameyî destbendkerdene. Ame parekerdene ke Vervatoxa Platformê Rojnamegeran ê Cinîyan ê Mezopotamya û Edîtora Jinnewsî Ayşe Guney, Vervatoxa Têgêrayîşê Cinîyan ê Azadan (TJA) Ayşe Gokkan û Hayrîye Turkekula 70 serre zî tede 22 cinîyî pê bahaneya beşdarîya çalakî û aktîvîteyan vatişanê şahîdan ser o ameyî destbendkerdene. Semedo ke dosyaya nê kesan ser o bira nimitke esta avûkatan û cinîyan rê zanayîş nêno dayene.

Sere de avûkata Hayrîya Turkekul avûkatanê cinîyan waşt ke muwekîlanê xo reyde pêvînayîş bikerê la serdozgerî no waştiş red kerd.

Nameyê cinîyanê ke ameyî destbendkerdene wina yê: Edîtora Jinnewsî û Vervatoxa Platformê Rojnamegeran ê Cinîyan ê Mezopotamya Ayşe Guney, Vervatoxa Têgêrayîşê Cinîyan ê Azadan (TJA) Ayşe Gokkan, Hemsereka MED-TUHAD FEDî Elîfe Haran, Endama Komeleya Hetkarîya Keyeyanê Tepişteyan (TUAY-DER) Rabîa Ateş, Endama Meclîsê  Şaredarîya Rêzanî Panayire Çelîk, Hemsereka Verêne ya HDPyî ya Yenîşehîrî Demete Ozkaran, Zekîye Guler, Fîgene Ektî, Ronda Bat, Rozerîne Çatak, Emîne Kaya, Dîlane Yakut û Guneş, Zeynepe Suncak, Selmane Metîn, Têkoşîne Tekîn, Rûkene Şehîr û Hayrîye Turkekal.