Vizêr şewe qezaya Xoyî ya Îranî de bi şîdetê 5,9î erd lerzîyabi. Nê erdlerzî taxa Elbîsî ya qezaya Elbakî ya Wanî rê zî tesîr kerd. Taxe de 9 kesî binê xirbeyan de mendî û merdî. Cenazayê Aydin Tosun, Huseyîn Tosun, Ekrem Tosunturk, Reîs Furat û ê domananê înan Fatma, Muhammed, Hasrete û Hîcrete Nêweşxaneyê Dewlete yê Elbakî ra ameyî girewtene û cenazayî taxe de ameyî definkerdene. Wextê definkerdişî de zaf cinîyî xo ra şîyî.

Taxe de 120 keyeyî estê û her ca de leşê heywanan estê. Taxe de pêro keyeyê kerpiçênî rijîyayî, xirbeyî zî werte de yê. Yeno parekerdene ke tewr tay hezar hebî heywanî merdî.

AFADî beşêkê taxe de xeymî ronayî. Mexdurê erdlerzî danê zanayene ke xeymî qîm nêkenê û di xeyman de zî elektrîk çin o. Ame eşkerakerdene ke  seba hemwelatîyan û heywanan mîyanê roje de xeymî do bêrê ronayene.