KON-MEDî vera darbeya sîyasîye eşkerayîyêke daye û seba tewrbîyayîşê çalakîyan veng da. 

Eşkerayîya KON-MEDî wina ya:

''Serra 2014î ra nata vera Têkoşînê Azadîye yê Kurdîstanî hêrişî yenê kerdene. Tewr peyên dest nîya wekîlîya Leyla Guven û yê Musa Farisogullari ser. Nê hêrişê qirkerdişî yê sîyasîyî nênaskerdişê îradeyê kurdan û dişmenîya vera şarê kurdî mojnenê. AKP nêwazeno qet yew muxalîf bimano. Îqtîdaro faşîst, neteweperwer û darbeker ê AKP-MHPyî polîtîkaya xo de israr keno.''

KON-MEDî seba şermezarkerdişê destsernayîşê şaredarîyan û hêrişanê faşîstan ê AKP-MHPyî venga her kesî da ke 6ê hezîrane roja şemeyî şaristananê Almanya de tewrê rayraşîyayîş û nawnayîşan bibo.