'Ma do bi  ruhê Mam Zekî û Zerdeştan xo ver bidê û ser bikewê'

Fermandarîya Qerargehê Merkezê Pawitişê Şarî bi eşkerayîyêke hêrişê vera Şengalî şermezar kerd û vat ma do bi  ruhê rayberênê şarê Êzidîyan Mam Zekî  û Zerdeştan xo ver bidê û  miheqeq ser bikewê.

Fermandarîya Qerargehê Merkezê Pawitişê Şarî Fermandarîya Pêroyî ya YBŞyî rê mesajê serweşîye şawit ke netîceyê hêrişê dewleta tirke de fermandaranê ronayoxanê YPŞyî ra Zerdeşt Şengalî û hîrê şerwanê înan şehîd bibî.

Mesaj de hêrişê dewlete tirke ame şermezarkerdene, YPŞyî rê serweşîye ameye waştene û nê ameyeî pare kerdene: ''Şarê ma yê Êzidîyan tarîx ran ata 73 reyî raştê qirkerdişan ame. Dewleta tirke ve şaranê Kurdîstanî û şarê Êzidîyan dişmenîye û qirkerdişan de sînor nasnêkena. Qirkerdoxê faşîstî vanê ke seba ke PKK esto ê hêriş kenê û ewladanê şarê Êzidîyan ê erjayeyan qetil kenê. Nê hêrişî do çirey nêrê vîrrakerdene û gonîya şehîdanê ma erde nêmano. Her kes zano ke  bado ke ma sey  PKK û HPGyî  Şengal de 2018î de hêrişê qirkerdişî  yê AKP û DAÎŞî verê şarê Êzidîyan vindarnayî û wezîveyê xo yo tarîxî ard ca, ma û ca ra ancîyayî. Rixmê naye hêrişê vera Şengalî dewam kenê. Zîhnîyeto faşîsto ke nêwezano Êzidîyî bi sîstemê xo yê azadî biciwîyê 15ê tebaxa 2018î de şorişgêro gird Mem Zekî Şengalî qetil kerd. Raştî naya ke ê wazenê ke heme destkewteyanê şarê kurdî çîn bikerê û heme kurdan her perçe de bê sutatu û nasname biverdê. Vanê ûca PKK esto şarê Êzidîyan rê hêriş kenê. Nê hêrişî do bêcewab nêmanê. Ma do bi  ruhê rayberênê şarê Êzidîyan Mam Zekî  û Zerdeştan xo ver bidê û  miheqeq ser bikewê. Ma reyna vanê ke ma sey HPGyî heta peynî cayê şima de yê.''