Qulingê ke neslê înan qedîyeno Dêrsim de ameyî dîyene

Qulingê ke neslê înan qedîyeno qezaya Pulurî ya Dêrsimî de erazîyêkê awîyî de ameyî dîyene

Rîyê seydwanîya îlegale, dermananê kîmyewîyan  û kêmasîya werdî ra neslê qulingan binê tehlukeyê vînbîyayîşî de yo. Qulingî nê semedan ra binê pawitişî de yê.

Bawerîya elewîyan de qulingî wayîrê cayêkê taybetî yê. Seba ke qulingî mîlçikê koçberî yê û herême bi herême gêrenê sey xeberberanê şayîye, coşî û xemginîye ameyî dîyene. Qezaya Pulurî ya Dêrsimî de zaf nebat û heywanî estê ke neslê înan binê tehlukeyê vînbîyayîşî de yê.

Nê prosesê janê vîrusê Korona de zî seba ke têgêrayîşê merdiman kêmîyayî qulingê ke rewî ra nênê dîyene, yenê erazîyanê awîyan ê Pulurî.

Fotografê qulinganê Pulur de hetê fotografkêş Akin Gedîkî ra ameyî girewtene.