Cezaya newîye ya dîsîplînî dîyaye Rayberê Şarê Kurdî!

Avûkat Rêzan Saricayî  eşkera kerd ke reyna cezaya dîsîplînî dîyaye Rayberê Şarê Kurdî Abdullah Ocalanî.

Avûkatanê Rayberê Şarê Kurdî Abdullah Ocalanî ra Rêzan Saricayî da pêhesnayene ke menga çeleyî de reyna cezaya dîsîplînî dîyaye Rayberê Şarê Kurdî Abdullah Ocalanî û înan no menga adare de eşnawito.

Saricayo ke Ajansê Mezopotamya rê qisey kerd kerd nê vatî: ''Ganî ma sey temsîlkaranê huqûqî û komelî hinî vera tecdîrê Îraliyî poszîsyonê qebulkerdişî ra vejîyê. Ma 15ê adare ra nata her roje semedê pêvînayîşê birêz Ocalanî muracat kenê. Keyeyê zî zaf muracat kerd. Heta nika ma netîce nêgirewt. No binpaykerdişê heqî û sûc o. Ma Serdozgerîya Komare ya Bursa de pêhesnayîşê sûcî kerd. La cewabê nayî zî nêame dayene. Nayî ser o ma muracatê Dadgerîya Înfazî ya Bursa kerd la cewabê de heme heqî huqûqî ameyî redkerdene û ma eşnawite ke derheqê muwekîlê ma de çeleyê 2021î de cezaya dîsîplînî ya newîye ameya dayene.''

Saricayî bale ante bêhuqîya ke yena kerdene ser û vat: ''Ganî avûkatî na ceza ra hayîdar bê la xebere nêdîyena ma. Nêwazenê ke ma têkoşînê huqûqî rayra bêro. Seba ke qerarê înan huqûqî nîyê xora nêwezanê ke îtîraz bêro kerdene. Nêverdenê ke ma sey avûkatan karê xo bikerê. Îmrali de prosesê dîsîplînî û caardişê qedexeyan nimite yenê kerdene. La huqûq de nimitîye çîn a.  cezayê ke dîyenê birêz Ocalanî nimnenê. Çunke zafê nê cezayan seba ke birêz Ocalan heqê xo yê sporî semedê rayraşîyayîşî şuxulneno dîyenê ci. Yanî seba ke o gêreno, tûrê erzeno (volta) cezaya dîsîplînî dîyena. Xora verî zî vera nê cezayanê gêrayîşî ma îtîraz kerdbi. Gêrayîş heqo evrensel o. Qedexekedişê nayî ne ehleqî ne huqûqî yeno qebulkerdene. Bado vera na ceza îtîraz kerd û dosya waşt la reyna waştişê ma ame redkerdene. Derheqê tay muwekîlanê ma de heme netîceya îtîrazî nêameye. Eke bêro ma do bikirişê Mehkemeya Qanûnê Bingeyî. Ma do têkoşînê huqûqî bidomnê û heta Mehkemeya Heqanê Merdiman a Ewropa şirê.''