Rewşa peyêne ya vîrusê Korona

Hûmara kesanê ke bi vîrusê Korona kewtî 800 hezaran ra ravêrte, ya merdeyan zî bîye nizdê 40 hezaran. Nêweşîye tewr zaf Amerîka ra vila bîye û mergê tewr zaf zî Îtalya de estê. Rêxistina Weşîye ya Dinya waşt ke kesê ke nêweş nîyê wa maske pamekerê.

Vîrusê Korona ke pede pede vila beno ra çend şino hûmara merde û nêweşan zêdîyena. Rêxistina Weşîye ya Dinya  (DSO) da zanayene ke  maske pakerdiş kesanê weşan de feyde ra zaf zirar ano û waşt ke kesê ke nêweş nîyê wa maske pamekerê.

Goreyê doneyanê peyênan tay welatan de hûmara merde û nêweşan wina ya:

Amerîka: Hûmara nêweşan 164 hezaran ra vîyarte û nizdê 3100 kesan cuya xo vînî kerde.

Îtalya: Hûmara nêweşan 100 hezaran ra û vîyartê ya merdeyan zî bena nizdê 12 hezaran.

Îspanya: Hûmara nêweşan 94 hezaran ra ravêrte û 8100 kesan ra zafêr cuya vînî kerde.

Almanya: Kesê ke bi vîrûsî kewtî hûmara înan 67  hezaran ra vîyarte ya merdeyan zî bîye  651.

Fransa: Hûmara nêweşan bêna 45 hezarî û 3 hezaran ra zafêr kesan cuya xo vînî kerde.

Qralîya Yewbîyayîye: Hûmara nêweşan 22 hezar û 100î ra ravêrte û hûmara merdeyan bîye 1408.

Îran: Hûmara nêweşan bîye 44 hezar û 600yî ra zafêr a ya merdeyan 3 hezaran ra vîyarte.

Swîsre: Hûmara nêweşan 16 hezaran ra zêdêr a û ya merdeyan bîye 373.

Belçîka: Nizdê 13 hezar kesan de nêweşîye ameye tespîtkerdene û 705 zafêr kesan cuya xo vînî kerde.

Hollanda: Hûmara nêweşan bîye 11750, ya merdeyan zî bîye 864.

Rûsya: Hûmara kesanê ke bi vîrusî kewtî bîye 2 hezar 337, ya merdeyan zî bîye 18.

Endonezya: 1500 hezaran ra zafêr nêweşî estê û 136 kesanê Korona ra cuya xo vînî kerde.

Tanzanya: Mergo verêne ê Korona qewimîya û 19 nêweşî estê.

Çîn: Hûmara nêweşan bîye 81.158, ya merdeyan bîye 3305.