'Teknîkê ma çin o la îrade û çêrîya zî înan de çin ê'

Gerîlaya YJA-Starî Evîndare Cîhan vat: ''Her hetî ra seba şerî amadekarîye esta. Ne tîya de ne zî cayêkê bînî de dişmen nêeşkeno ser bikewo. Teknîkê dişmenî ma de çin o labelê îrade û çêrîya ma zî dişmen de çin ê.''

Gerîlaya YJA-Starî Evîndare Cîhan ke verê cû şîbî Heftanîn vana Heftanîn pê rindî û zerrînermîya xo zaf tesîrê aye kerd.

Gerîla Evîndare vat: ''Heftanîn de embazî pê tewirê xo, branşê xo, pê ruhêkê fedayî şinê dişmenan ser. Embazî her ca de xo seba şerî amade kenê, dişmenî nêeşkenê Heftanîn de ser bikewê. Teknîkê dişmenî destê ma de çin o. Labelê îrade, bawerî, çêrîya ma estê ke nê zî destê dişmenî de çin ê.

Cengê Heftanînî beno ke hema zaf dewam bikero. Gerîlayan amadekarîye xo kerde ke Heftanîn de pê xoverdayîş, ruhê fedayî do ser bikewê. Îşxalê dewleta tirke do nêreso armanê xo. Heftanîn do bibo bingeyê şorişê Başûrî.''