Çalakîya roniştişî ya Dêrsimî: Veng bidê cuye

Dêrsim de çalakîya roniştişî ya laçigsipîyin a ke bi şîarê ’’Veng bidê cuye wa mergî mebê’’ yena viraştene vizêr roja 15. de dewam kerde.

Çalakîya roniştişî ya ke hetê rêxistina HDP’yî ya Dêrsimî ra semedê paştdayîşê grevê vêşanîye û rojeyê mergî yena viraştene vizêr roja 15. de dewam kerde.

Meydanê Seyîd Rizayî yê Dêrsimî de bi çalakîya roniştişî bale ancîyaye grevê vêşanîye yê ke rayberîya Leyla Guvene de yenê kerdene ser. Temsîlkarê partîyanê sîyasîyan û dezgehan û xeylî hemwelatijî tewrê çalakîye bîyî. Çalakgeran bi laçiganê sipîyan pankarta,’’Veng bidê cuye wa mergî mebê’’ akerde û bale ante grevê vêşanîye û rojeyê merdî yê ke semedê wedartişê tecrîdê serê Rayberê Şarê Kurdî Abdulah Ocalanî yene viraştene. Hemserekê HDP’yî yê Dêrsimî Hidir Çîçekî ard vîrî ke çend mengî yo xoverdayoxî xover danê û vat ke heta waştişê înan nêrê bicaardene ma do çalakîya xo rê dewam bikerê.