Şaredarîya Sûrî domanê bidezavantajî berdî tîyatro

Kayê tîyatroyî yê "Pîrê û Rovî" yo ke  Şaredarîya Sûrî serûber kerd, hetê zaf domanan ra bi hawayêkê coşî ame seyrkerdene.

Aktîvîteyê tîyatroyî yê ke Şaredarîya Sûrî seba domananê bidezavantajan serûber kena, dewam kenê. Kayê tîyatroyî "Pîrê û Rovî" hetê 80 domananê  4 taxan ra ame seyrkerdene. 

Endamanê Meclîsê Şaredarîya Sûrî îfade kerd ke ê nê kayan seba domananê ke nêeşkenê tîyatro seyr bikê, serûber kenê. Domananê ke tîyatro seyr kerd, înan rê  çanteyêk de dîyarî ameyî dayene. Aktîvîteya ke Tîyatroyê Şaristanî yê Amedî de dest pêkerde, heta 10ê teşrîna peyêne do dewam biko.