Amed de Şewa Şîîran a Kirmanckî

Bi organîzasyonkarîya grûbêka xebatkaranê ziwanî ya bi nameyê “Koma Morcelayanê Kirmanckî” şewêka şîîran Amed de yena organîzekerdene.

Nê serranê peyênan de eleqedarîya seva kurdkî û xusûsen seva kirmanckî (zazakî) bîye vêşî. Dima ke prosesê cigêrayîşê seva çareserî xetimya, sazîyê ziwanî yan gîrîyayî yan zî rastê zext û zorî ameyî. Rixmê nê zextan xebatî hetê kesanê ke kedkarê ziwanê kurdkî yê bi hawayêk yenê dewamkerdene.

Çarçiwaya xebatanê ziwanî yê Koma Morcelayanê Kirmanckî de do 3ê Teşrîna peyêne saet 19.00 de Gilgameş Kitap Cafe de bi sernameyê “Şewa Şîîran a Kirmanckî (Zazakî)” şewêk bêro organîzekerdene. Na aktîvîte de do Denîz Gunduz, Bedrîye Topaç û Omer Barasi şîîranê xo goşdaranê kirmanckî dir pare bikerê.