Amed de vera xespkerdişê îradeyê şarî çalakîyê protestoyî  bêmabên yenê domnayene. Roja şeşine de çalakîya roniştişî kuçeyê Lîse de dewam kena.

Parlamenterê HDP’yî Feleknaz Ûca, Meral Daniş Beştaşe, Salîha Aydenîze, Ayşe Acar Başarane, Dersîm Dage, Remzîye Tosûne, Garo Paylan, Mûsa farîsogullari, Nurettîn  Maçîn, Semra Guzele, Hîşyar Ozsoy û Kemal Pekoz, hemşaredarê Bajarê Pîlî yê Amedî yê Partîya Şaran a Demokratîke (HDP) Selçûk Mizrakli yo ke wezîfeyê ci dest ra ameyo girewtene,hemşaredarê qezayan, Mayê Haştîye, îdarekarê HDP û DBP’yî atîvîsîtê TJA û xeylî kesî tewrê çalakîye bîyî. Çalakî de slogana ‘ Ma do bi xoverdayîş ser bikewê’ berz bena. Dimayê çalakîya roniştişî do eşkerayîye bêro dayene. Reyna ablûqaya şarederîye ya polîsan zî dewam kena.