Bazarê Semtî yê Jîyanî ke wayîrê xusûsîyetê “Bazarê Semtî yê Cinîyan” o ewilên ê Tirkîya yo fîlmê ci ancîya. Belgefîlmo ke cinîyê bazarkarî tede qalê zehmetîyanê xo û mucadeleyê payanê xo ser mendişî kene meşte do galaya ci Amed de bêro kerdene.
“Bazarê Semtî yê Cinîyan” o ke Tirkîya de wareyê xo de ewilên o, hetê Komela Cinîyan ê Karî yê Amedî ra belgefîlmê ci ame viraştene. Galaya belgefîlmî do 30’ê Nîsane de Amed de bêro kerdene, dîrektorîya belgefîlmî di dîrektorê ciwanî Ramazan Akkûş û Mehmet Îsmaîl Çeçenî yê ke xelata Cosmos Medya girewtebî kerde.
Bazarê cinîyano ke wareyê xo de Tirkîya de ewilên o, serra 2013 de hetê Şaredarîya Baglarî (Rezan) ra seba cinîyanê ke rastê şidetî yene û halê înan ê madî xirab o amebi viraştene.
Belgefîlmî de qalê zehmetîyanê ke cinîyê bazarkarî ciwîyenê û mucadeleyê înan ê payan ser o mendişî yeno kerdene. Belgefîlmo ke reya ewilêne do Amed de bêro ramotene, ramotişê ci yo dîyin do 20’ê Hezîrane de Stenbol de û menga Êlule ra tepîya zî şaristananê Îzmîr, Enqere, Edene û yê bînan de bica bêro.
Yeno pawitene ke nameyê namdarî yê sey viraştoxe Zeynep Aktane, dîrektor Gokhan Tîryakî, şaîr Yilmaz Odabaşi, koordînatora xeberan Cansel Poyraze û pêşkêşwane Begum Bagca zî tewrê galaya belgefîlmî yê Amedî bibê.
