Dêrsim de Seyîd Riza û embazê ci ameyî vîrardene
Dêrsim de Seyîd Riza û embazê ci ameyî vîrardene. Vîrardiş de Hemserekê Pêroyî yê HDPyî Sezaî Temellî ard ziwan ke ewro zî Dêrsim ser o zulmê îqtîdarî esto.
Dêrsim de Seyîd Riza û embazê ci ameyî vîrardene. Vîrardiş de Hemserekê Pêroyî yê HDPyî Sezaî Temellî ard ziwan ke ewro zî Dêrsim ser o zulmê îqtîdarî esto.
Serragêrayîşê 81. ê îdamkerdişê Seyîd Riza û embazanê ci de Meydanê Seyîd Rizayî yê Dêrsimî de vîrardişêk ame viraştene.
Vîrarişêko hetê hêzanê demokrasî ra ame organîzekerdene Hemserekê Pêroyî yê HDPyî Sezaî Temellî, Parlamenterê HDPyî Alîcan Onlu, Dilşat Canbaz, Zeynel Ozen , Alî Kenanoglu û Keman Bulbulî ya pîya temsîlkarê Komela Kultur Abdalî ya Pîr Sultanî (PSAKD) û Komela Elewîyan a Demokratîke (DAD) tewrê ci bîyî.
Eşkerayîye de ame vatene ke dejê terteleyî hîna şarî ser o tesîr keno û îqtîdarê ewro zî bi heman polîtîkaya hêrişkare yena dewamkerdene.
Bado zî Hemserekê Pêroyî yê HDPyî Sezaî Temellî qisey kerd.
Temellî seredê Seyîd Riza û embazê ci yad kerdî û va: ‘‘Ma reyna ameyê tîya de no dejî dir ameyî têhet. Heman wext de ma ameyê ke înan ke çok nêda hêzê înan ra hêz bîgêrê. Dêrsim vera zûlm, şîdet û terteleyî serewedartiş o. Ewro koyê Dêsimî yenî bombardûmankerdene. Heman zulm dewam keno.