Dewleta tirke esteyanê kurdan rê zî tehemul nêkerd!

Esteyê 8 gerîlayanê PKKyî yê ke hetê dewlet ra dest ame sernayene û badê di serran teslîmê keyeyanê înan bîyî, Bedlîs de goranê cîyayan de ameyî definkerdene. Destûr nêdîya ke cenazeyî têkişte de bêrê definkerdene.

Esteyê  8 gerîlayanê PKKyî yê ke hetê dewlet ra dest ame sernayene û badê di serran teslîmê keyeyanê înan bîyî, Bedlîs de goranê cîyayan de ameyî definkerdene. Destûr nêdîya ke cenazeyî têkişte de bêrê definkerdene.

267 cenazeyê gerîlayanê PKKyî yê serra 2017î de Goristanê Garzanî yê Bedlîsî ra ameybî vetene û dima Goristanê Kîlyosî de amebî definkerdene. 10ê nê cenazeyan testanê DNA ra dima perey  teslîmê keyeyanê înan bîyî.  Cenaza Nadîre Elma Nisêbîn de cenaza Muzeyyene Gordegîr zî Êlih de ameye definkerdene.

8 cenazeyê bînî zî dewanê Bedlîsî de ameyî definkerdene.  Polîsan û cendirmeyan berdiş û definkerdişanê cenazeyan de keyeyî vist binê teda. Cendirme û polîsan destûr da ke têna her keye ra 3 kesî beşdarê definkerdişî bibê û destûr nêda ke cenazeyê ke heman goristanî de yê têkişte de bêrê definkerdene. Naye ra mîyanê cenazeyanê heman goristanî de 15-20 metre esto.

Nasnameyê 10 cenazeyanê ka emeyî definkerdene wina yê: Ferhat Can (Ferhat Garzan), Burhan Altintaş (Numan Tatvan), Fedakar Turan (Vecîp), Faysal Bîngol, Mehmet Reşît Karakoç, Necla Karabey (Zekîye), Ahmet Doner (Edîp), Behzat Yildirim (Kanî Garzan), Muzeyyene Gordeger (Bêrîvane), Nadîre Elma (Nalîne).