Dogane xelata ke Londra de girewte dîyarîya çalakwanan kerde

Index on Censorshipî xelata Azadîya Îdafeyî daye rojnamegere Zehra Dogane. Dogane xelate dîyarîya çalakwananê grevê vêşanîye kerde.

Rojnamegere-resame Zehra Dogane ya ke Londra de xeleta Azadîya Îdafeyî girewte, xelata xo dîyarîya Leyla Guvene û xoverdayoxanê grevê vêşanîye kerde.

Sazgehê azadîye yê îfadeyî yê mîyanneteweyî Index on Censorshipî, Xelata Azadîya Îfadeyî ya ke wareyanê vera sansurî kultur, kampanya, aktîvîzma dîjîtale û rojnamegerîye de dano merdiman, daye xeletgirewteyan.  Xelata emserî daye rojnamegere-resame Zehra Dogane, ke wextê herişê qirkerdişî yê qezaya Nisêbînî ya Mêrdinî de semedê xeberan û resimanê xo amebî girewtene û 2 serrî ra zêdeyî hepisxane de mendibî.

Bibê vengê çalakwananê grevê vêşanîye

Dogane xelata xo Londra de bi merasîmêk girewte û hemsereka KCD'yî Leyla Guvene û xoverdayoxanê grevê vêşanîye rê kerde dîyarîye. Dogane merasîm de bi Kurdkî qisey kerd û seba çalakwananê grevê vêşanîye veng da û vat: “ Nika welatê mi de grevê vêşanîye yo ke rayberîya Leyla Guvene de dest pêkerdo û bi hezaran grewteyî tede yê esto. Rewşa înan merheleya krîtîke de ya,  bibê vengê înan.”