Bager Borano ke semedê pawitişê şarê xo berpirsîyarîyê xo bica ardî vera çeteyanê DAÎŞî bi qehremankîyî şer kerd û her tim vernîye cepheyî de cayê xo girewt. Boran 6ê kanûna 2017 de gama ke Mexmûr pawitêne şehîd kewt.

DAîŞî menga tebaxa 2014 de hêrişê  Kampa Multecîyan a Mexmûrî kerd. Şarê kampe yewîyê xopawitişî ronayî û pîya bi gerîlayanê HPG û YJA Starî vera çeteyan şer kerd. Bi nê xoverdayîşî têna kampe ney derûdorê de zî xeylêk cayî  ameyî xelisnayene. Nê demî de bi seyan  ciwanê kurdan tewrê xoverdayîşî bîyî û şiktişê hêrişê çeteyan de rolo aktîf kay kerd. Nê ciwanan ra yew zî Bager Boran bi. Amed Şîyaro ke pîya bi Bager Boranî tewrê xoverdayîşî bi û eynî cephede şer kerd û heta şehdatê ci cayê ey de bi qalê hemrayê xo kerd:

''Hemra Bager kesêko zanaye bi, tip wend bi. Gama ke vera şarê ci hêrişanê qirkeridşî dest pêkerd tewrê sefanê xoverdayîşî bi. Çîyê ke sîstemî ci rê teqdîm kerdî ê red kerdî û semedê pawitişê şarê xo tewrê Hêzanê Xopawitişî yê Mexmûrî bi. Kesêko zanaye, hîsdar û pratîk bi. Parekerdişî ra heskerdene. Coka hetê embazanê xo ra  zaf ameyêne heskerdene. Giredayeyê Rayberê Şarê Kurdî Abdullah Ocalanî bi. No têna giredayîşêko hîsar nêbi. Wendişê xo fam kerdêne û naye ser o muneqeşe kerdêne parê kerdêne. Gamê xo goreyê ejanê ke temsîl kerdêne eştêne. Semedê pawitişê şarê xo qet yew berpirsîyarî ra nêrema û tim vernî de vindert. Semedê ey têkoşînê azadîye yê şarê kurdî vernîya heme çîyan de ameyêne. Hemra Bager Boran 6ê kanûna 2017 de gama ke Mexmûr pawitêne hêrişê dewleta tirke yê vera Mexmûrî de tewrê kerwanê bêmergan ê Kurdîstanî bi.‘‘