Ewropa de çalakîyê paştdayîşê Ocalan û PKKyî
Qerarê Amerîka yê vera rayberanê PKKyî, qedexeyê Fransa û tecrîdê Îmralî Fransa, Awusturya û Swîsre de ameyî protestokerdene.
Qerarê Amerîka yê vera rayberanê PKKyî, qedexeyê Fransa û tecrîdê Îmralî Fransa, Awusturya û Swîsre de ameyî protestokerdene.
Xeylî bajaranê Ewropa de şarê kurdî û dostê ci vera qerarê Amerîka yê vera rayberanê kurdan, qedexeyê Fransa yê çalakîya kurdan û tecrîdê Îmralî vejîyayê meydanan.
Bajarê Marsîlya yê Fransa de bi çalakîyêk qerarê Amerîka yê vera îdarekaranê PKK û KCKyî ra Duran Kalkan, Cemîl Bayik û Murat Karayilanî ame protestokerdene.
Grûbêk verê konsolosxaneyê Amerîka de ameye têhet û bi slogananê ‘‘Ma heme PKKyijî‘‘, ‘‘Erdogano qetilkar,Trumpo hemkar‘‘ û ‘‘ Bicuyo Rayber Apo‘‘ yî paşt da PKKyî û qerarê Amerîka şermezar kerd.
Paytextê Awusturya Vîyana de zî kurdîstanijî û dostê ci vejîyayî kuçeyan tecrîdê serê Ocalanî û hêrişê dewleta tirkî yê serê Rojwanî protesto kerdî.
Çalakwanan xêmêk rona bi vilawekanî derheqê felsefe û rewşê Ocalanî de zanayîş da. Çalakî do ewro zî bêro dewamkerdene.
Bajaranê St Galle û Baselî yê Swîsre de zî qerarê Amerîka yê vera îdarekaranê PKK û KCKy, qedexekerdişê çalakîya Strasbourgî yê Fransa û tecrîdê serê Ocalanî ameyî protestokerdene.
Basel de bi vengdayîşê Têgêrayîşê Ciwanên Şorişgêrî gencê kurdan vejîyayî meydanan. Çalakwanan ard ziwan ke ê qedexeyê Fransa nêşinasnenî û her cayî açarnenî cayê çalakîyan.
St Gallen de zî bi heman waştişî kurdî û dostê ci meydanan de bî. Qiseykerdişan de ame vatene ke bi qedexe û qeraranê leyşinan kes nêeşkeno kurdan cêserbifîno. Şarê kurdî wayîr rayber û têgêrayîşê xo vejîyeno.