Festîvala Cinîyan a Zîlane-Anna meşte Londra de dest pêkena
Festîvala Cinîyan a Zîlane-Anna, Şeme Harîngeyî yê Londra de do dest pêbikera.
Festîvala Cinîyan a Zîlane-Anna, Şeme Harîngeyî yê Londra de do dest pêbikera.
Festîvala Cinîyan a Zîlana ke her serre bi hawayêkê tradîsyonkîyî Londra de yena viraştene, emser 16’ine ya ci mabênê 29 û 30'ê Hezîrane de do bêra viraştene.
Nameyê festîvala emserî "Festîvala Cinîyan a Zîlane û Anna" ya. Anna Campbell (Hêlîn Qereçoxe) a ke şorişgêrêka ciwan a Îngîlîstanije bîye, Efrîn de wextê hêrişê îşxalkerdişî yê dewleta Tirkî de cuya xo vînnî kerdebî. Bernameyê festîvala ke bi slogana “Xoverdayîşê Cinîyan Azad keno” yena viraştene de panel, tîyatro, konser û aktîvîteyê seba domanan estê. Heme aktîvîteyê festîvale Merkezê Cimatê Demokratîkê Kurdan ê Harîngeyî de do bêrê viraştene. Bi beşdarbîyayîşê parlamentere Pero Dundare û rayberanê TJK-E ra Alîye Varto, roja Şemeyî de panel do bêro viraştene û rewşa peyên a sîyasî yê Kurdistanî û şîdetê vera cinîyan bêrê ercnayene. Roja dîyin a festîvale de Beser Şahîne, Nûarîne û Sevîm Aslane do konser bidê. Amadekaranê festîvale Meclîsê Cinîyan ê Roje vengdayîşê tewrbîyayîşî cinîyan rê kerd.