Semedê Festîvala Fîlman a Mîyanneteweyîye ya Kobanê hadreyîye dewam kenî.

Çarçiwaya hadreyîya festîvale de sînemaya dinya ra mîyanê 600 fîlman ra 80 fîlmî semedê tewrbîyayoxanê festîvale û sînemaperweran ameyî vîjnayene.

Festîvale 13ê Teşrîna peyêne, serrgêra 58ine ya qetlîamê şewatê sînemaya Amûdê de do dest pê bikero û hewteyêk dewam bikero.

Sere de welatanê Ewropa do xeylî cayanê dinya ra sînemaperwerî  tewrê festîvale bibî.

Ame vatene ke Kobanê ra dima festîvala fîlman do Qamişlo, Serêkaniyê, Amûdê û Eyn Îsa de zî bêro viraştene.

Îdarekaranê Beşê Kobanê yê Komunê Fîlman ê Rojawanî ra Zîlan Hemo ard ziwan ke qetlîamî mezgê şarê înan de ca girewto û ê wazenê ke bi na festîvale şehîdanê sînemaya Amûdê  bîyarê vîrî.

Çarçiwaya festîvale de reyna atkîvîteyê sey ramojnayîşê resiman û îmzakerdişê kitaban zî do bêrî viraştene.