Fotografkêşo Danîmarkayijî Danîel Rye Ottoseno ke  Sûrîye de 13 mengî destê çeteyanê DAÎŞ'î de mend, cuya ci bî babeta fîlmî.

Danîel Rye Ottoseno ke seba fotografanê şerî bianco şîyo Sûrîye, nêzdîya Helebe de hetê çeteyanê DAÎŞ'î ra ame hesîrgirewtene. DAÎŞ'î seba veradayîşê Ottosenî 15 mîlyon dolarî fîdye waşt. Hukmatê Danîmarka vat ke ê do terorîstan reyde bazarî nêkeroê û pere nêda. Keyeyê Ottosenî seba ke fîdye bîyaro pêser kampanyaya bexşkerdişî da destpêkerdene.

Serrolê fîmê 'Ti aşme vînenî Danîel?' Danîel Rye Ottoseno ke 398 rojan ra nata destê DAÎŞ'î de hesîr o. Serrolo bîn zî .Amerîkayiî James Foleyo ke verê çimanê dinya de ame kiştene. Çeteyê DAÎŞ'î Mohammed Emwazî bi dîmeno ke sereyê Foleyî ci ra kerdibi amebi naskerdene. Emwazîyo ke sey 'Johno cihadîst' yeno naskerdene, dima ke îşkence Ottosen rê kerd, zor da înan ke tango bikê.

Fîlm serra 2018 de Danîmarka de ameye antene. Fîlme menga vîyarte de ame mojnayene. Hukmatê Danîmarkayo ke çimê ey şîyayîşê çeteyanê seba Sûrîye de yo, kesê ke tewrê YPG'yî bîyî ceza dano înan. Derheqê Tommy Morck û Aske Barfod Sivesgaarî de seba ke sefanê YPG'yî de şer kerd dewa ameye akerdene. Peynîye de Morck û Sivesgaard rê şeş mengî ceza ameye dayene. Morck îtîrazê na cezaye kerd û eşkera kerd ke no binpaykerdişê heqanê merdiman o.