Hamburg de ewro Festîvala Fîlman a Kurdan a 10. dest pêkena

Festîvala Filman a Kurdan a 10. ya ke Hamburg de do bêra viraştene, 30ê teşrîna peyêne de (ewro) do dest pêbika.

Festîvala Fîlman a Kurdan a ke Hamburg de do bêra viraştene, 30ê teşrîna peyêne de (ewro) do dest pêbika. Festîval bi konserê muzîkî do dest pêbika û akerdiş bi fîlmê "Sister's Arms'o ke îdarekara ci Carolîne Fouresta Fransije ya dest pêbiko. Foureste îlhamê xo têkoşînê cinîyanê Kurdan ê verba DAÎŞ'î ra girewt.

Festîval do heta 6ê teşrîna peyêne dewam bika û fîlmê dergî û kilmî, belgefîlmî û fîlmê domanan zî tede 37 fîlmî do bêrê mojnayene. Her parçeyê Kurdistanî ra û dîaspora ra fîlmî festîval de do ca bigêrê û salonanê Zeise Kino, Studio Kino û 3001 Kino de do bêrê mojnayene.

Festîval de bi beşdarîya kaykerdoxan û îdarekaran ê girîngan panel û bernameyî zî do bêrê serûberkerdene. Panel û bernameyê domanan do bêpere bibê.

Festîvala emserî  hunermend û şervanê azadîye Mazdek Ararat (Omer Bagci) yo ke menga elule de Kobanê de şehîd bi, ey rê yena dîyarîkerdene.

Bernameyê festîvalî lînkê " www.hkff.de" ser o eşkeno bêro teqîbkerdene.