Hêja Serxwebûne: Adirbirnayîş çîn o, hêrişanê xo rê dewam kenê

Dewleta Tirkî ya îşxalkare hêrişanê xo rê dewam kena. Şervana YPJ’yî Hêja Serxwebûne vat, “Adirbirnayîş çîn o. Herîşî dewam kene, la pê xoverdayîşê ma nêeşkenê.”  

Hêrişê îşxalkarî yê dewleta Tirkî yê verba Vakur û Rojakewtena Sûrîye 12 rojan ra nata dewam kenê. Xoverdayîşê Rûmetî yê QSD’yî û roniştoxanê Sûrîye Rojakewtena Mîyanêne de û dinya de veng vet.

 Çeteyan vizêr dewa Qizelî ya ser bi Girê Sipî hêrişê sivîlan û şervananê QSD’yî kerd. Hêriş bi teyarayanê şerî û obusan ame kerdene. Rîyê hêrişan ra 2 şervanê QSD’yî şehîd bîyî û 6 şervanî zî birîndar bîyî. Sivîlî zî ameyî kiştene. Şervananê YPJ’yî ra Hêja Serxwebûna ke hêriş de birîndar bîya, behsa hêrişî kerde.  Çîyêk zî sey adirbirnayîş nîyo. Hêrişê ma kenê. Hem teyarayanê şerî hem zî teyerayanê keşfî xebitnenê. Ma hêrişanê înan çin kene, la bele mabênê adirbirnayîşî de zî hêrişê ma kenê. Reyna zî pê xoverdayîşê ma nêeşkenê.”