HPGyî şehîdê Cûdîyî yad kerdî
HPGyî 9 gerîlayê ke mabênê 31ê Teşrîna verêne û 3ê Teşrîna peyêne de Cûdî de cuya xo vîndî kerde ardê vîrî û nasnameyê înan eşkera kerd.
HPGyî 9 gerîlayê ke mabênê 31ê Teşrîna verêne û 3ê Teşrîna peyêne de Cûdî de cuya xo vîndî kerde ardê vîrî û nasnameyê înan eşkera kerd.
Merkezê Çapemenî û Îrtîbatî yê HPGyî bi eşkerayîyeka nuştekîye da zanayene ke mabênê 31ê Teşrîna verêne û 3ê Teşrîna peyêne de herêma Cûdîyî yê Şirnexî de 9 gerîlayan cuya xo vîndî kerdo û nasnameyê înan eşera kerd.
Eşkerkayîye de ca dîya nînan:
Arteşa tirkî ya îşxalkare mabênê 31ê Teşrîna verêne û 3ê Teşrîna peyên a 2018î de herêma Cûdîyî yê Şirnexî de operasyonêk hîra viraşt.
1ê Teşrîna peyêne de teyaranê şerî yê artêşa tirkî hereme bombardûman kerd û bado zî mabênê hêzanê ma û artêşa tirkî de pêkewtişî vejîyayî. Saetanê şanî de teyaranê şerî herêma Derîyê Hirçê bombardûman kerd.
2ê Teşrîna peyêne de herêma Derîyê Hirçê de mabênê yewîyanê dişmenî û hêzanê ma de pêkewtişê giran ameyî viraştene. Heman roje hêzanê ma hemverê hêzanê operasyonî de di çalakîyî viraştî.
Operasyon 3ê Teşrîna peyêne de qedîya. Operasyonê çar rojan de arteşa tirkî bi bombardûman zaf zirar da xozaya cayê erjayeyî yê merdimîye. Çalakîyanê nê çar rojan de hûmara merde û birîndaran ê dişmenî nêameye tesbîkerdene. Embazê ma Roja, Mazlum, Tirej, Şevger, Çektar û Kato nê bombardûman û pêkewtişan de şehîd kewtî. Hemrayê ma Sorxwîne, Zana û Karli ke birîndarê xidarî bî semedê esîr nêkewtişî xo serê bombayî teqnayî û tewrê kerwenê şehîdan bîyî. Nasnameyê embazanê ma Şevger û Karli hema nêameyî zelalkerdene. Gama nasnameyê înan bêrê zelalkerdene ma do rayapêroyîye dir pare bikerê.
Embazê ma ke şehîd bîyê nasaneyê înan wina yo:
Nameyê Qodî: Roza Tolhildan Serhate Name Peyname: Nîfsîcîhan Yildize Cayê Biyayîşî: Wan Maye-Pî: Hazale - Îhsan Tarîx û Cayê Şehadetî: 1ê Teşrîna peyên a 2018î / Şirnex
|
Nameyê Qodî: Tîrêj Amed Name Peyname: Abdûrrahman Saltan Cayê Biyayîşî: Amed Maye-Pî: Turkî - Şehmûs Tarîx û Cayê Şehadetî: 1ê Teşrîna peyên a 2018î / Şirnex
|
Nameyê Qodî: Sorxwîn Ekîne Name Peyname: Cevahîr Encu Cayê Biyayîşî: Şirnex Maye-Pî: : Meryeme - Îsmaîl Tarîx û Cayê Şehadetî: 1ê Teşrîna peyên a 2018î / Şirnex
|
Nameyê Qodî: Mazlûm Erdal Name Peyname: Huseyîn Dervîşî Cayê Biyayîşî: Xoy Maye-Pî: Şemame - Bûrhan Tarîx û Cayê Şehadetî: 1ê Teşrîna peyên a 2018î / Şirnex
|
Nameyê Qodî: Çekdar Cîlo Name Peyname: Serhat Gerem Cayê Biyayîşî: Şirnex Maye-Pî: Feyrûze - Mehmet Tarîx û Cayê Şehadetî: 1ê Teşrîna peyên a 2018î / Şirnex
|
Nameyê Qodî: Zana Çirav Name Peyname: Serdem Kaçar Cayê Biyayîşî: : Sêrt Maye-Pî: Fatma - Abdûrrahman Tarîx û Cayê Şehadetî: 2ê Teşrîna peyên a 2018î / Şirnex
|
Nameyê Qodî: Kato Sêgirkê Name Peyname: Mehmet Babat Cayê Biyayîşî: Şirnex Maye-Pî: Behiyecane - Şexvan Tarîx û Cayê Şehadetî: 2ê Teşrîna peyên a 2018î / Şirnex
|
Şehîdanê ma ke bi xoverdayîşo tarîxî destan nuşto ma înan bi hurmetî yad kenî û vernî de merdimanê înan rê heme şaro welatperwer rê serweşîye wazenî. Şarê ma bi nê qijanê xo yê qehermanan çikas sere berz bo zî tay o. Ma sey hemrayanê înan sozê xeta şehîdanê de girdkerdişê mucadeleyî û serkewtişî danê.