Kovara Semahî ya ke her di mengan ra reyêk bi hawayêkê binîzamî hetê Federasyonê Elewîyan ê Demokratîkî (FEDA) ra yena weşanayene, hûmara ci ya 44’ine ya Adare/Nîsane bi manşete “Rayîr bê Îqrar, Waştox bê Pîr, Ocaxe bê Maye Nêya” resaye wendoxan.
Hûmara 44’ine ya Kovara Semahî ya ke hetê Federasyonê Elewîyan ê Demokratîkî (FEDA) r adi mengan ra reyêk yena weşanayene de nûşteyê bi babetanê sey “Qirkerdişê bawerîya Elewîtîye, kulturê 12 îmaman, cimatkîkarîya Elewîyan de estbîyayîş û musahibîye” ca girewtî.
Kovara Semahî sere de Almanya, dima ra zî welatanê sey Fransa, Awusturya, Îngilistan û Swîs ke Elewîyî tede vêşî yê bi rayîrê dergah û temsîlkarîyan yena vilakerdene. Zafê şaristananê Almanya de dergahanê ke pabesteyê FEDA yê de wendoxî eşkenê biresê na kovare.
Kovara ke derheqê Elewîtîye de tede xeylî nûşteyî estê, tayê nûştoxê ke na hûmara 44’ine ya Adare/Nîsane de ca girewtê nê yê: Erdogan Yalgin, Ozcan Ogut, Ayten Şîmşîre, Pîr Zeynel, Kete, Şenol Hantekîn, Îrfan Dayioglû, Erdal Yildirim, Mehmet Kabadayi, Zeynep Tozduman, Ersîn Ozgul û Can Kasapoglu.
