Hûmara 60. ya Kovara Vateyî weşanîyaye

Kovara Vateyî ya ke serra 1997’î ra nata bi hawayêkê sîstematîkî safî bi Kirmanckî vejîyena, hûmara ci ya 60. ameye weşaneyene. Hûmara 60. ya Kovare zî bi babetanê cîya cîyayan debîyaye ya.

Weşanxaneyê Vateyî ke bitaybetî Kirmanckî ser o xebetîyeno û heta nika bi seyan kitabî û 60 hûmarê kovara Vateyî çap kerdî, humara 60. ya Kovara Vateyî weşanaye. Kovara ke hîrê aşman de reyêk vejîyena, na hûmare ci zî sey ê bînan bi babetanê muhîman û zaf renginan pirr a.

Kovara Vateyî ke serra 1997’î ra nata safî Kirmanckî yena weşanayene, ziwan, kultur, huner û  xeylî babetanê bînan bi Kirmanckî wendoxanê xo rê pare kena. Kovara ke 20 serrî  ra zêdêr o bi hawayêkê perîyodîkî weşanê xo domnena, averşîyayîş û standardbîyayîşê Kirmanckî de wayîrê rolêkê muhîmî ya.