Kobanê de festîvala domanan

Komîteya Huner û Kulturî ya Herêma Firatî Kobanê de bi slogana ‘‘Azadîye domantîye de dest pêkena‘‘ Festîvala Domanan ê Herêma Firatî ya Hîrêyine viraşte.

Kombanê ya Rojawanê Kurdistanî de Festîvala Domanan a Hîrêyine bi slogana‘‘ Azadîye domantîye de dest pêkena‘‘ ameye viraştene.

Sere de Minbic herêma Firatî ra bi desan domanê Kurd, Ereb, Çerkez û Tirkmenî ya pîya endamê dezgehanê sivîlan tewrê festîvale bîyî. Hemserekê Merkezê Kultur û Hunerî yê Kantonê Girê Spîyî Zekerîya Mihemedî ard ziwan ke festîvale semedê averşîyayîşê domanan gameka muhîme ya û amadekerdoxanê festîvale rê spas kerd.

Festîvale de Dibistanê Rojî yê Kobanê ra domananê Çerkezan govende pêşkêş kerde û domananê Minbicî zî deyîrî vatî. Festîvale de reyna resimê ke domanan viraştî û gureyê destê domanan zî ameyî pêramotene. Dima ra zî grûbê Şehîd Arîne û Şehîd Halîmî yê ke pabesteyê Merkezê Kultur û Hunerî yê Baqî Xidoyî yê bi deyîranê xo reng da festîvale.