Mannheim û Bocholt de şewa paştdayîşê Rojawanî

Şaristananê Mannheim û Bocholtî yê Almanya de seba Rojawanî şewa paştdayîşî ameye serûberkerdene.

Şaristananê Mannheim û Bocholtî yê Almanya de seba Rojawanî şewa paştdayîşî ameye serûberkerdene.

Mannheim de şewa paştdayîşî Salona Ruya ya Mannheimî de ameye serûberkerdene û bi hezaran kesî tewrê ci bîyî. Eşkerayîya komîteya amadekarîye ya ke bi sloganê ''grûbêke ra bi milyonan'' ameye kerdene ra dima mesajê KCDK-E û TJK-E ameyî wendene. Şewe de wekîlê verênî yê Şirnexî Faysal Sariyildizî qisey kerd û mesajê AGÎF, ATÎK û ADHKyî ameyî wendene. Şewe de sînevîzyonêk ame mojnayene û sloganî ameyî vatene. Hunermend Azad Bedran, Denîze Deman, Sevîm û Erkan, Dengê Sînan û grûba DTKMyî û ekîbê folklor û koroyî vejîyayî sehne.

Bocholt de zî  şewe bi tewrbîyayîşê Meclîsê Şarî yê Kleve/Emmerich û Keyeyê Êzidîyan ê Weselî Komeleya Kulturê Kurdan ê Mezopotamya de ameye kerdene. Qiseykerdişan de mesajê yewîya neteweyî ameyî dayene û bale ameye antene îşxalê dewleta tirke yê  vera Rojawanî û hêrişê ci yê vera Başûrê Kurdîstanî û Şengalî ser . Şayîye de Koma Rizgar Serhat, Koma Hêvîya Rojê vejîyayî sehne. Şewe bi slogana ''Biciwîyo Serek Apo'' û govendî qedîyaye.