Mîhrîcan a ke festîvala tewr demderg a Kurdistanijan ê Ewropa ya, emser 32’ine ya ci yena viraştene. Mîhrîcane vizêr bajarê Honnoverî yê Almanya de bicoş dest pêkerde.

Bi seyan kaybazê govende saete 10.00 de vernîya Îstasyonê Trêne yê Honnoverî  de ameyî têhet û bajar bi rengê Kurdî xemilna. Kaybazê govende yê ke xeylî bakaranê Almanya Fransa û Swîsî ra ameyê, vernîya HBF’yî de govende girewte. Dimayê govende, rayraşîyayîşê Mîhrîcane dest pêkerd. Veyva ke estora bi renganê çeqer, sûr, zerd ameya xemilîyaye ra aspar bîya, vernîya kontejî de ca girewt. Kaybazê govende bi çepik û tilîlîyan xo resna Merkezê Kulturî yê Pavîllonî yo ke hemberîya govende do bêra viraştene. Bi nameyê Komîteya Amadekarîye Hemvervatoxê TEV-ÇAND'yî Bulent Tûran û Xezal Ertaşe destpêk de qisey kerd û vat, “Ê yê ke nê kulturî ra wayîr vejîyenê ciwanê ma yê.” Merkezê Kulturê Demokratîkî yê Kurdan ê Hannoverî ra Ayfer Amara û Ciwan Çewlîkî qisey kerd, keyweşîya xo ya seba meymanîya Mîhrîcane arde ziwan û başdarbîyayoxan rê serkewtiş waşt. Seba gurbanê ke ewro do sahne bigêrê qurayî bêrê antene, grubê govendan ê domanan Gruba Cangorî û Gruba Mam Zekî vejîyayî sahne. Mîhrîcane de do 26 grubî do sahne bigêrê.