Meclîsê Cinîyan ê  Sûrîye û Komîteya Kultur û Hunerî ya Minbicî, çarçeweya hemleya çalakîye ya 'haştîya bêsînore' pê sloganê "seba haştîye huner" pêramotişê resimî akerd. Temsîlkarê dezgehê sivîlî û şarê herême tewrê pêramotişî bî.

Pêramotiş de endamê Meclîsê Cinîyan ê Sûrîye Rula Osma qisey kerd û vat ke meclîs seba haştîye têkoşîn keno, cinîyî rayîrê azadîye û haştîya komelkî yê. Hemsereka Meclîsê Rayberdişî yê Îdareyê Sivîlî yê Minbicî Nezîfe Xelo zî 21'ê Êlule sey Roja Haştîye ya Dinya fîraz kerd û vat; "Çeteyanê DAÎŞ'î şarê herême ra şîdeto tewir-tewir kerd. Seba Roja Haştîye ya Dinya ma wazenê ke mesajê xo yê heskerdiş û haştîye bierşawê. Şarê mayo ke pê qewetanê xo teror qedîna, do pêro dinya de verê haştîye abiko."

Dimayê qiseykerdişan şaîr Ehmed El-Yûsif û Îbrahîm El-Mustefa şiîrî wend. Dima kayê tîyatroyî ame kaykerdene.Bado ra zî akerdişê pêramotişî ame kerdene.