Merkezê Kulturî yê Mîtannî yo ke serranê ravêrteyan de rîyê qedexeyanê tebervejîyayîşî û qeyûmî ra bêfonksîyon amebi verdayene, 3 serran ra dima reya ewilêne tîyatroyêko bi Kurdkî pêşkêş kerd.

Kayê “Di tuwaletê de” yo ke hetê Rênas Jîyanî ra amebi nûştene û Zelal Angaye ra ame îdarekerdene hetê Zinar Atamanî ra ame pêşkêşkerdene. Hemserekê Şaredarîya Nisêbînî Semîre Nergîze û Ferhat Kût zî tede xeylî kesan tîyatro temaşe kerd.

Tîyatroyo ke babeta ci “cinîyîya unîversale û krîzê camêrdîye” ya hetê temaşekaran ra tam not girewt. Kaybazî pay ra ameyî çepikkerdene.

Hemserek Ferhat Kûtî yo ke kaybazî pîroz kerdî vat dimayê serran ra Merkezê Kulturî yê Mîtannî de kaykerdişê kayêkê bi Kurdkî seba şaristan û şarê Kurdî hetê kulturî ra muhîm a. Hemsereke Nergîze zî seba organîzekerdişê kayî organîzekerdoxan rê spas kerd.