Muzîsyen Nazerîyî vera îşxalî vindert û konserî batal kerdî
Muzîsyenê Rojakewtene Şehram Nazerîyî seba ke nêrazîbîyayîşê xo yê verba hêrişanê îşkalkarîye yê dewleta Tirkî bimojne konserê xo batal kerdî.
Muzîsyenê Rojakewtene Şehram Nazerîyî seba ke nêrazîbîyayîşê xo yê verba hêrişanê îşkalkarîye yê dewleta Tirkî bimojne konserê xo batal kerdî.
Nêrazîbîyayîşê verba hêrişanê îşxalkarîye û qirkerdişî yê dewleta Tirkî yê Vakur û Rojakewtena Sûrîye de benê zêde. Muzîsyenê Rojakewtene Şehram Nazerî zî konserê xo batal kerdî û bi nê hewayî verê îşxalkarîye de vindert. Nazerîyî vat; "Binê nê şert û mercan de nêeşkena bicena." û konserê xo yê şaristananê Malmo û Stockholmî yê Swêdî batal kerdî.
Rojanê destpêkî yê hêrişî de muzîsyeno Kurd Kayhan Kalhorî zî konserê xo yê Stenbolî batal kerdibi. Koma cinîyan a Kirmaşanê Glarîsî zî konserê xoyê ke TRT'yî kome dawet kerdibi, batal kerdî.